Izotopoj de sulfuro

Sulfuro (S) havas 25 konatajn izotopojn. El ili kvar estas stabilaj: ³²S (95,02%), ³³S (0,75%), ³⁴S (4,21%), ³⁶S (0,02%).

Escepte ³⁵S, ĉiuj radioaktivaj izotopoj de sulfuro estas mallonge vivantaj. ³⁵S estas formata de kosma radiada fisio de ⁴⁰Ar en la atmosfero de Tero. Ĝi havas duoniĝotempon de 87 tagoj.

La norma atompezo estas 32,065(5) u.

Kiam sulfidaj mineraloj estas sedimentitaj, izotopa ekvilibrigo inter solida kaj likvaĵa fazoj povas kaŭzi malgrandajn diferencojn en la δS-34 valoroj de kune aperintaj mineraloj. La diferencoj inter mineraloj povas esti uzata por pritaksi la temperaturon de ekvilibrigo. La δC-13 kaj δS-34 de kunekzistantaj karbonatoj kaj sulfidoj povas esti uzata al difini la pH (kemia parametro) kaj oksigenan forvaporiĝemon de la erca fluido dum erca formigo.

En plejparto de arbaraj ekologiaj sistemoj, sulfido estas derivita plejparte de la atmosfero; ankaŭ forvaporiĝaĵoj kaj vetera detruo de ercaj mineraloj kontribuas iun kvanton de sulfuro. Sulfuro kun distinga izotopa komponaĵo estas uzata por identigi poluadajn fontojn, kaj riĉigita sulfuro estas aldonata kiel traceanto en akvikaj studoj. Diferencoj en la naturaj abundecoj povas ankaŭ esti uzataj en sistemoj kie estas sufiĉa variado en la ³⁴S de ekologiaj sistemaj komponantoj. Lagoj en Roka Montaro, kiuj estas opiniataj kiel havantaj domine atmosferajn fontojn de sulfido, havas malsamajn δS-34 valorojn ol lagoj opiniataj kiel havantaj domine grundajn fontojn de sulfido.